Japoni, në qytetin Yamato ndalohet përdorimi i celularit gjatë ecjes
Hulumtimi publik i kryer në dy pjesë të qytetit në muajin janar, zbuloi se 12 për qind e këmbësorëve kishin përdorur telefonin gjatë ecjes
Tokio
Në qytetin Yamato në juglindje të Japonisë ndalohet përdorimi i celularit gjatë ecjes, transmeton Anadolu Agency (AA).
Sipas lajmit të Kyodo, mësohet se këshilli i qytetit nëpërmjet një rregulloreje vendosi ndalimin e përdorimit të telefonit celular gjatë ecjes në qytetin Yamato në rajonin Kanagawa.
Hulumtimi publik i kryer në dy pjesë të qytetit në muajin janar, zbuloi se 12 për qind e këmbësorëve kishin përdorur telefonin gjatë ecjes.
Pas hulumtimit, u vendos miratimi i rregullores që u paraqit në këshillin e qytetit. Sipas vendimit këmbësorët mund të përdorin telefonat e tyre në lokacione të tilla publike si rrugë dhe parqe, ndërkohë që do të ndalen në pikat ku të mos ndërpresin trafikun.
Bëhet e ditur se nuk do të zbatohen procedura ndëshkimore për ata që nuk do të zbatojnë këtë vendim i cili hyn në fuqi më 1 korrik.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.