"Izraeli zbulon përpjekjet për sulm raketor nga Siria"
Ushtria izraelite thotë se sulmi i pasuksesshëm është kryer nga militantët shiitë të mbështetur nga Irani
Kuds
Ushtria izraelite ka njoftuar se ka zbuluar përpjekjet e "dështuara" të lançimit të raketave nga territori sirian drejt Izraelit, transmeton Anadolu Agency (AA).
"Në orët e hershme të mëngjesit, u zbulua një lançim i dështuar i disa raketave nga Siria", thuhet në kumtesën e ushtrisë izraelite, duke shtuar se predhat "nuk arritën brenda Izraelit".
Ushtria izraelite pretendon se tentimet janë bërë nga "milicitë shiite të udhëhequra nga forcat Kuds të Iranit nga periferia e Damaskut".
Ushtria izraelite thotë se regjimi i Assadit është përgjegjës për aktivitetet që zhvillohen në Siri.
Avichay Adraee, një zëdhënës i ushtrisë izraelite, në Twitter shkroi se "Ne e paralajmërojmë regjimin e Bashar al-Assadit se do të paguajë çmim të lartë për lejimin e iranianëve dhe militantëve shiitë që të operojnë në territorin e tij, ku ai mbyll njërin sy dhe madje bashkëpunon me ta".