Një tjetër gazetar palestinez u vra në një sulm izraelit në Gaza sot, duke e çuar numrin e të vdekurve që nga tetori 2023 në 214, thanë autoritetet lokale, transmeton Anadolu.

Yahya Sobeih, një gazetar i një agjencie lokale lajmesh, ishte midis 22 palestinezëve të vrarë në një sulm izraelit në një treg të mbushur me njerëz në Qytetin e Gazës, tha një burim mjekësor.

Vdekja e tij gazetarit erdhi disa orë pasi i lindi foshnjë.

“Ti e ndriçove botën tonë, princesha jonë e vogël. Faleminderit Zotit që na bekoi me lindjen e vajzës sonë të çmuar”, ndau Sobeih në Instagramin e tij, me një foto që tregonte foshnjën në krahë.

Zyra e medias e qeverisë së Gazës tha se të paktën 214 gazetarë janë vrarë në sulmet izraelite në Gaza që nga tetori i vitit 2023.

Ushtria izraelite po i vazhdon sulmet brutale ushtarake në Gaza, duke vrarë më shumë se 52.600 njerëz, kryesisht gra dhe fëmijë, që nga 7 tetori i vitit 2023.

Gjykata Ndërkombëtare Penale lëshoi ​​urdhra arresti nëntorin e kaluar për kryeministrin izraelit Benjamin Netanyahu dhe ish-ministrin e tij të Mbrojtjes Yoav Gallant për krime lufte dhe krime kundër njerëzimit në Gaza.

Izraeli gjithashtu përballet me një padi për gjenocid në Gjykatën Ndërkombëtare të Drejtësisë për luftën e tij në enklavën palestineze.