Izraeli synon normalizimin e marrëdhënieve me 5 shtete të tjera arabe
"Ka pesë të tjera, domethënë Arabia Saudite, Sulltanati i Omanit, Katari, Nigeri dhe Maroku, ndërsa negociatat me këto vende do të intensifikohen pas zgjedhjeve presidenciale në SHBA", tha ministri izraelit i Inteligjencës, Eli Cohen
Kuds
Ministri izraelit i Inteligjencës, Eli Cohen, tha se Izraeli do të intensifikojë bisedimet për normalizimin e marrëdhënieve me pesë shtete arabe pas zgjedhjeve presidenciale në SHBA në fillim të nëntorit, transmeton Anadolu Agency (AA).
"Pas nënshkrimit të marrëveshjes me Emiratet e Bashkuara Arabe, unë thashë se do të ketë marrëveshje të tjera me një vend nga Gjiri dhe një vend nga Afrika dhe më vonë Bahreini dhe Sudani u bashkuan në rrugën historike", tha Cohen në një deklaratë.
"Ka pesë të tjera, domethënë Arabia Saudite, Sulltanati i Omanit, Katari, Nigeri dhe Maroku, ndërsa negociatat me këto vende do të intensifikohen pas zgjedhjeve presidenciale në SHBA", shtoi ai.
Zgjedhjet presidenciale në SHBA janë planifikuar të mbahen më 3 nëntor.
Deri më tani, Emiratet e Bashkuara Arabe, Bahreini dhe Sudani kanë njoftuar normalizimin e marrëdhënieve me Izraelin, në një lëvizje që tërhoqi reagime të shumta nga palestinezët si një "tradhti" ndaj kauzës së tyre.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
![](http://www.facebook.com/sharer.php?u=http://v.aa.com.tr/2020853&p[images][0]=https://cdnuploads.aa.com.tr/uploads/Contents/2020/10/27/thumbs_b_c_d2cefe80529ba72aa2276044167538b7.jpg?v=154805&p[title]=Izraeli synon normalizimin e marrëdhënieve me 5 shtete të tjera arabe&p[summary]="Ka pesë të tjera, domethënë Arabia Saudite, Sulltanati i Omanit, Katari, Nigeri dhe Maroku, ndërsa negociatat me këto vende do të intensifikohen pas zgjedhjeve presidenciale në SHBA", tha ministri izraelit i Inteligjencës, Eli Cohen
){kind=link}