Ushtria izraelite pretendoi sot se ka vrarë komandantin e forcave Basij të Iranit, Gholamreza Soleimani, në një sulm ajror, transmeton Anadolu.

Në një deklaratë të ushtrisë izraelite thuhet se "Soleimani u eliminua në një sulm gjatë natës të hënën".

Media izraelite raportoi më parë se Soleimani dhe zyrtari më i lartë i sigurisë së Iranit, Ali Larijani, ishin shënjestra e sulmeve gjatë natës të kryera nga Izraeli.

Ndërkohë nuk ka patur asnjë përgjigje të menjëhershme nga autoritetet iraniane ndaj këtij pretendimi.

Izraeli dhe SHBA-ja kanë vazhduar sulmet e përbashkëta ndaj Iranit që nga 28 shkurti, duke vrarë deri më tani rreth 1.300 njerëz, përfshirë udhëheqësin e atëhershëm suprem, Ajatollah Ali Khamenei.

Irani është hakmarrë me sulme me dronë dhe raketa që kanë shënjestruar Izraelin, Jordaninë, Irakun dhe vendet e Gjirit që strehojnë asete ushtarake amerikane, duke shkaktuar viktima dhe dëme në infrastrukturë ndërsa ka prishur tregjet globale dhe aviacionin.