Shpërthime u dëgjuan në Teheran herët të shtunën dhe re të dendura tymi u panë mbi disa pjesë të qytetit, pasi ministri izraelit i Mbrojtjes tha se Izraeli ka nisur një sulm “parandalues” kundër Iranit, transmeton Anadolu.

Sirena alarmi u dëgjuan gjithashtu në mbarë Izraelin, i cili shpalli një gjendje të jashtëzakonshme “të posaçme dhe të menjëhershme” në të gjithë vendin, që përfshin ndalimin e aktiviteteve arsimore, tubimeve dhe punës në sektorët jo thelbësorë.

Transmetuesi izraelit Channel 12 i raportoi se SHBA-ja dhe Izraeli e nisën sulmin bashkërisht.

Sulmet vijnë mes përpjekjeve diplomatike ndërmjet zyrtarëve amerikanë dhe iranianë për një marrëveshje lidhur me programin bërthamor të Iranit.

Ministri i Punëve të Jashtme i Omanit, Badr Albusaidi, i cili ndërmjetësoi bisedimet, u takua të dje me zv/presidentin e SHBA-së, JD Vance.

“Jam mirënjohës për angazhimin e tyre dhe pres përparim të mëtejshëm dhe vendimtar në ditët në vijim. Paqja është brenda mundësive tona”, shkroi Albusaidi në rrjetin social amerikan X pas takimit.