Ministria e Shëndetësisë e Izraelit njoftoi se do të hiqet testi i kërkuar për COVID-19 për hyrje në vend dhe mbajtja e maskës në fluturimet ndërkombëtare, transmeton Anadolu Agency (AA).

Në një deklaratë në llogarinë e tij në rrjetet sociale, Ministri izraelit i Shëndetësisë, Nitzan Horowitz njoftoi se nga 20 maji do të përfundojë obligueshmëria e posedimit të testit të COVID-19, i cili është i detyrueshëm për pasagjerët për hyrjen në vend.

Horowitz gjithashtu deklaroi se duke filluar nga 23 maji do të hiqet detyrimi për të mbajtur maska ​​në fluturimet ndërkombëtare.

Izraeli hoqi detyrimin për të mbajtur maska ​​në prill, përveç vendeve të tilla si spitalet, aeroplanët dhe shtëpitë e pleqve.