Zëdhënësi i Shtabit Qendror Khatam al-Anbiya të Iranit, Ebrahim Zolfagharitha tha se "rezultati i luftës nuk mund të përcaktohet nga cicërimat (tweetet)", transmeton Anadolu.

"Këto komente ishin mesazh për presidentin e SHBA-së, Donald Trump", tha sot Zolfaghari në një video-mesazh të publikuar nga Al Jazeera, duke shtuar se rezultati i luftës "përcaktohet në terren".

Ai gjithashtu vendosi në tallje emrin e fushatës amerikane "Furia Epike" (Epic Fury), duke thënë se do të ishte më mirë të quhej "Frika Epike" (Epic Fear).

Armiqësitë në rajon janë përshkallëzuar që kur Izraeli dhe SHBA-ja nisën sulme të përbashkëta ndaj Iranit më 28 shkurt, duke vrarë deri më tani rreth 1.300 njerëz, përfshirë udhëheqësin e atëhershëm suprem Ajatollah Ali Khamenei.

Irani është hakmarrë me sulme me dronë dhe raketa që kanë shënjestruar Izraelin, Jordaninë, Irakun dhe vendet e Gjirit që strehojnë asete ushtarake amerikane, duke shkaktuar viktima dhe dëme në infrastrukturë ndërsa ka prishur tregjet dhe aviacionin global.