Bota

Irani: Rënia e marrëveshjes bërthamore duhet të parandalohet

Abadi tha se mosmarrëveshjet e zgjatura mbi marrëveshjen do të paraqesin një dështim serioz për diplomacinë dhe multilateralizmin

Fatih Hafız Mehmet   | 11.09.2019
Irani: Rënia e marrëveshjes bërthamore duhet të parandalohet

Ankara

Irani ka deklaruar se marrëveshja bërthamore e vitit 2015 meriton “çdo përpjekje” për të parandaluar rënien e saj, raporton Anadolu Agency (AA).

“Republika Islamike e Iranit po ashtu beson se JCPOA (Plani i Përbashkët i Veprimit) është një arritje e rëndësishme ndërkombëtare që meriton çdo përpjekje për të parandaluar rënien e saj”, tha në një konferencë për media Kazem Gharib Abadi, ambasadori iranian i Kombeve të Bashkuara (OKB) në Vjenë.

Abadi tha se mosmarrëveshjet e zgjatura mbi marrëveshjen do të paraqesin një dështim serioz për diplomacinë dhe multilateralizmin.

“Sjellja e dëmshme e SHBA-ve dhe terrorizmi ekonomik i ndjekur nga administrata aktuale amerikane kundër Republikës Islamike të Iranit dhe disa vendeve të tjera duhet të ndalojë”, theksoi Abadi.

Javën e kaluar, Rouhani tha se Irani së shpejti do të ndërmarrë hapin e tretë në uljen e angazhimeve të tij ndaj marrëveshjes bërthamore në përgjigje të vendeve evropiane që nuk përmbushin angazhimet e tyre.

Marrëveshja bërthamore e Iranit, e njohur ndryshe si Plani i Përbashkët i Veprimit (JCPOA), u nënshkrua në vitin 2015 midis Iranit dhe Rusisë, Kinës, Francës, Mbretërisë së Bashkuar, SHBA-ve, si dhe Gjermanisë.

Megjithatë, vitin e kaluar presidenti i SHBA-ve, Donald Trump, u tërhoq në mënyrë të njëanshme nga marrëveshja dhe shtoi presionin ndaj Teheranit duke ri-imponuar sanksione që synonin sektorin e energjisë dhe bankave të vendit.

Irani tani insiston se Evropa duhet t’i sigurojë një mbështetje ekonomike shtesë nëse duan të shpëtojnë marrëveshjen, pasi SHBA u tërhoq në muajin maj të vitit 2018 dhe imponoi sanksione mbi Teheranin.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın