Irani ka ekzekutuar një person të akuzuar për spiunazh për Izraelin, sipas një deklarate nga autoritetet gjyqësore iraniane të publikuar sot nga Agjencia e Lajmeve Fars, transmeton Anadolu.

Në një deklaratë thuhet se u ekzekutua dënimi me vdekje ndaj Kurosh Keyvani-t, i cili dyshohej se kishte lidhje me shërbimin e inteligjencës së jashtme të Izraelit, Mossad.

Dënimi me vdekje i Keyvani-t, pas përfundimit të gjyqit të tij për dyshimin e transmetimit të imazheve dhe informacionit në lidhje me vendet strategjike tek Mossad-i, ishte miratuar nga Gjykata Supreme, thuhet në deklaratë.

Keyvani u arrestua në ditën e katërt të një lufte 12-ditore që shpërtheu në qershor të vitit të kaluar, kur SHBA-ja dhe Izraeli sulmuan Iranin. Në Iran, mes sulmeve të fundit të SHBA-së dhe Izraelit, janë arrestuar dhjetëra njerëz të dyshuar se kishin lidhje me Izraelin.

Zyrtarët iranianë thonë se masat e rrepta kundër aktiviteteve që kërcënojnë sigurinë kombëtare do të vazhdojnë.

Zhvillimi vjen mes operacioneve të përbashkëta ofensive të vazhdueshme nga Izraeli dhe SHBA-ja kundër Iranit që nga 28 shkurti, të cilat kanë vrarë rreth 1.300 njerëz deri më tani, përfshirë ish-udhëheqësin suprem Ajatollah Ali Khamenei.

Irani është hakmarrë me sulme me dronë dhe raketa që kanë shenjestruar Izraelin, së bashku me Jordaninë, Irakun dhe vendet e Gjirit, për të cilat thotë se po shënjestron asetet ushtarake amerikane, duke shkaktuar viktima dhe dëme në infrastrukturë ndërkohë që prishin tregjet globale dhe aviacionin.