Irani dhe Turqia bien dakord për zhvillimin e shumanshëm të marrëdhënieve
Takimi mes presidentëve të Turqisë dhe Iranit në Turkmenistan është zhvilluar në një ambient shumë miqësor dhe të sinqertë, tha kryediplomati iranian
Ankara
Ministri i Jashtëm i Iranit, Hossein Amir-Abdollahian, theksoi se në takimin mes presidentit të Turqisë, Recep Tayyip Erdoğan, dhe homologut të tij iranian, Ebrahim Raisi, është rënë dakord për zhvillimin e shumanshëm të marrëdhënieve mes të dyja vendeve, transmeton Anadolu Agency (AA).
Abdollahian, nëpërmjet një postimi në Twitter, njoftoi lidhur me takimin mes Raisi-t dhe Erdoğan-it në Turkmenistan, në kuadër të Samitit të 15-të të Organizatës së Bashkëpunimit Ekonomik.
Sipas tij, takimi mes presidentëve të Turqisë dhe Iranit është zhvilluar në një ambient shumë miqësor dhe të sinqertë.
"Është rënë dakord për zhvillimin e shumanshëm të marrëdhënieve dhe heqjen e disa pengesave. Marrëdhënia mes dy vendeve është historike. Të dy liderët ranë dakord për organizimin e mbledhjes së Këshillit të Lartë (Këshilli i Bashkëpunimit të Nivelit të Lartë Turqi-Iran) gjatë vizitës së presidentit Erdoğan në Iran", shkroi ai.
Raisi dhe Erdoğan u takuan në Turkmenistan, në kuadër të Samitit të 15-të të Organizatës së Bashkëpunimit Ekonomik, takim i cili u mbajt i mbyllur për media.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.