Bota

Indi, treni vret dy elefantë që po ecin në shina

Një tren pasagjerësh ka përplasur dhe ka vrarë dy elefantë në Indinë verilindore

Ekip   | 01.12.2021
Indi, treni vret dy elefantë që po ecin në shina

Indi

Një tren pasagjerësh ka përplasur dhe ka vrarë dy elefantë në shtetin Assam të Indisë verilindore, transmeton Anadolu Agency (AA).

“Dy elefantët e rritur po ecnin në shinat hekurudhore kur i përplasi treni i cili udhëtonte nga Nju Delhi për në qytetin lindor të prodhimit të çajit Dibrugarh, duke i vrarë pothuajse menjëherë”, tha rojtari i kafshëve të egra, Dilip Kumar Das.

Aksidenti ka ndodhur mbrëmë vonë, tha ai, duke shtuar se autoritetet sot shkuan në vendngjarje, lokalitet i cili është i rrethuar nga pyje të dendura, duke varrosur trupat e elefantëve pas kryerjes së autopsisë.

Das sqaron se elefantët shpesh futen në vendbanimet e njerëzve këtë periudhë të vitit, kur fushat e orizit janë gati për korrje.

Trenat me shpejtësi kanë goditur dhjetëra elefantë në Assam në të kaluarën, duke detyruar kompaninë e Hekurudhave Indiane, të rregullojnë shpejtësinë në zonat e njohura ku lëvizin elefantët.

Në Assam jetojnë rreth 5000 elefantë aziatikë.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın