Bota

Indi, së paku tre të vdekur nga vërshimet

Reshjet e dendura të shiut kanë shkaktuar përmbytje dhe vërshime të lumenjve në Indinë perëndimore, ndërsa situata më e keqe është në rajonet Rajkot dhe Jamnagar të provincës Gujarat

Emel Öz   | 14.09.2021
Indi, së paku tre të vdekur nga vërshimet Foto: AA/Arkiv

New Delhi

Së paku tre persona kanë humbur jetën, ndërsa pesë të tjerë llogariten si të zhdukur në përmbytjet që goditën rajonet perëndimore të Indisë, transmeton Anadolu Agency (AA).

Reshjet e dendura të shiut kanë shkaktuar përmbytje dhe vërshime të lumenjve në Indinë perëndimore, ndërsa situata më e keqe është në rajonet Rajkot dhe Jamnagar të provincës Gujarat.

Autoritetet lokale theksuan se mijëra persona janë evakuuar nga vendbanimet e prekura nga përmbytjet.

Ekipet e shpëtimit gjetën trupat e tre personave të vdekur në një përrua uji dhe po kërkojnë të paktën pesë të tjerë të zhdukur.

Për shkak të reshjeve të mëdha të shiut dhe përmbytjeve, mësimet në shkollat ​​në këtë rajon indian u ndërprenë.

Meteorologët njoftojnë se reshjet në Gujarat mund të zgjasin edhe katër ditë të tjera.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın