Në përmbytjet në shtetin verilindor të Indisë, Assam, kanë humbur jetën edhe shtatë persona, njoftuan sot autoritetet, transmeton Anadolu Agency (AA).

Sipas të dhënave të Administratës shtetërore për menaxhimin e fatkeqësive, gjithsej 88 persona kanë humbur jetën nga përmbytjet dhe rrëshqitjet e dheut më 6 prill.

Administrata njoftoi se shtatë vdekje të reja u regjistruan dje në pesë nga 32 rrethet e prekura nga përmbytjet në atë shtet. Që nga mëngjesi i së mërkurës, vetëm një person llogaritet si i zhdukur në Assam. Përmbytjet zgjatën shtatë ditë dhe prekën më shumë se 5 milionë njerëz.

Autoriteti i menaxhimit të fatkeqësive aktualisht ka 1.687 kampe humanitare që janë strehë për mijëra qytetarë.

"Përmbytjet e këtij viti kanë shkatërruar qindra shtëpi", thanë banorët e Assam-it.