Indi, regjistrohet tjetër rekord ditor i rasteve me COVID-19
Deri më tani, mbi 394 mijë persona kanë fituar betejën me virusin në vend
New Delhi
India të shtunën raportoi numrin më të madh të rasteve ditore me 22.772 të infektuar dhe 442 të vdekur nga koronavirusi i ri, njoftoi Ministria e Shëndetësisë të vendit, transmeton Anadolu Agency (AA).
Rastet pozitive me koronavirus tani kanë arritur në 648.315, ndërsa 18.655 persona kanë vdekur nga COVID-19, sëmundja e shkaktuar nga virusi.
Të dhënat e ministrisë zbuluan gjithashtu se 394.227 njerëz janë shëruar nga infeksioni.
Këshilli Indian i Kërkimeve Mjekësore (ICMR) tha se ata kanë testuar mostrat e 9.540.132 personave deri më 3 qershor, me 242.383 teste të kryera të premten.
Shteti perëndimor Maharashtra vazhdon të mbetet shteti më i prekur me 192.990 raste të koronavirusit, ndërsa numri i vdekjeve është rritur në 8.376, me 198 vdekje të tjera në 24 orët e fundit.
Rastet në Tamil Nadu, shteti i radhës më i goditur nga koronavirusi, ka tejakurar 100 mijë raste, me 4.329 infeksione të reja brenda një dite. Numri i vdekjeve ka arritur në 1.385, me 64 vdekje të reja të raportuara brenda një dite, sipas të dhënave zyrtare.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.