Policia holandeze arrestoi të dielën 22 protestues pro-palestinezë gjatë një demonstrate në Amsterdam kundër performancës së Shai Abramsonit, i cili këndon muzikë liturgjike si kryekantori i ushtrisë izraelite, transmeton Anadolu.

Rreth 200 persona protestuan në sheshin "Museumplein", përballë sallës së koncerteve Concertgebouw, duke brohoritur slogane drejtuar Abramsonit ndërsa policia arrestoi 22 protestues, përfshirë edhe për posedim fishekzjarrësh, sipas transmetuesit NOS.

Më pas shpërthyen përleshje midis policisë dhe protestuesve pasi demonstruesit u rrethuan me gardhe për të siguruar që ata të qëndronin në shesh. Një urdhër paraprak lejoi 30 demonstrues të mbanin protestë të heshtur në Concertgebouw ndërsa protestuesit e mbetur u detyruan të qëndronin në Museumplein sipas një marrëveshjeje me organizatorët e protestës.

Më herët gjatë ditës, një protestë e shkurtër u shënua ku demonstruesit u panë të bllokonin dy hyrje në Concertgebouw si dhe policinë që bëri arrestime edhe atje.

Abramson duhej të performonte në koncertin vjetor Hannukah të Concertgebouw, por vendi i ngjarjes i kërkoi organizatorit ta zëvendësonte atë, një kërkesë që ata e refuzuan. Sipas Concertgebouw, prania e Abramsonit ishte "në kundërshtim me misionin e Concertgebouw për të lidhur njerëzit me muzikën".