Grupi libanez Hezbollah ka dënuar vendimin e qeverisë për të çarmatosur grupet jo-shtetërore, duke e quajtur atë një "mëkat të rëndë", transmeton Anadolu.

"Qeveria e kryeministrit Nawaf Salam ka kryer një mëkat të rëndë duke miratuar një vendim që ia heq Libanit armën e rezistencës kundër armikut izraelit", tha grupi Hezbollah.

Dje, kryeministri Salam tha se qeveria e tij i ka autorizuar forcat e armatosura të përgatisin një plan për të konsoliduar armët nën kontrollin e shtetit deri në fund të këtij viti.

Hezbollahu tha se ky vendim "dobëson aftësinë e Libanit" për t'iu kundërvënë sulmeve të vazhdueshme izraelito-amerikane, si dhe i mundëson Izraelit të realizojë planet e tij përmes operacioneve ushtarake.

"Prandaj, ne do ta trajtojmë këtë vendim sikur të mos ekzistojë", tha grupi libanez.