Krahu ushtarak i Hamasit, Brigadat Izz ad-Din al-Qassam, njoftoi se do të kthejë trupin e një të burgosuri tjetër izraelit të gjetur gjatë kërkimeve në Rripin e Gazës, transmeton Anadolu.

Në deklaratën e Brigadave Qassam thuhet se trupi i një të burgosuri izraelit të gjetur në Rripin qendror të Gazës do të kthehet sot në orën 16:00 sipas orës lokale.

Nëse konfirmohet se trupi në fjalë është ai i njërit prej robërve, trupat e dy robërve do të mbeten në Rripin e Gazës. Trupat e tre robërve, dy izraelitë dhe një tajlandez, mbeten në Gaza.

Brigadat Qassam kthyen trupat e 25 nga 28 robërve të vdekur në Gaza, si pjesë e armëpushimit të arritur më 10 tetor.

Në marrëveshjen e armëpushimit midis Hamasit dhe Izraelit, vendet garantuese, SHBA-ja, Turqia, Katari dhe Egjipti, shprehën pikëpamjet e tyre mbi vështirësitë me të cilat përballen palët në gjetjen e trupave të të burgosurve për shkak të miliona tonë mbeturinash dhe rrënojash në Rripin e Gazës si dhe shkatërrimit të infrastrukturës brenda dhe mungesës së pajisjeve të rënda.