Grupi palestinez i rezistencës Hamas ka bërë të ditur se do të lirojë pengjet izraelite siç është planifikuar në bazë të marrëveshjes së armëpushimit në Rripin e Gazës, transmeton Anadolu.

Grupi palestinez tha se masa erdhi pas bisedimeve me ndërmjetësit në Egjipt dhe Katar, të cilët u zotuan se do të punojnë për "të hequr pengesat dhe mbushur boshllëqet".

Një marrëveshje armëpushimi në Gaza ka qenë në fuqi që nga 19 janari, e cila ndali luftën izraelite që ka vrarë të paktën 48.200 palestinezë, kryesisht gra dhe fëmijë, si dhe e ka lënë enklavën palestineze në gërmadha.