Fisi Maasai, që jeton në Kampin Sekenani, në Masai Mara, i cili është rreth 390 kilometra larg kryeqytetit të Kenias, Nairobi, banon në fusha të gjera ku enden kafshë të egra si luanë dhe leopardë, raporton Anadolu.

Pjesëtarët e një prej fiseve më të vjetra në Afrikën Lindore, Maasai, vazhdojnë stilin e tyre të jetesës gjysmë-nomade, duke ruajtur kryesisht traditat e tyre në Kenia, Tanzani dhe Ugandë.

Konsumi i tyre i madh i mishit, bizhuteritë unike dhe veshjet tradicionale janë ndër tiparet kryesore që i dallojnë Maasait nga fiset e tjera.

Për Maasait, blegtoria nuk është vetëm një aktivitet ekonomik, por mbart edhe rëndësi fetare.

"Emanyata", të cilat janë shtëpi Maasai, janë ndërtuar nga gratë.

Këto shtëpi janë ndërtuar duke përdorur baltë, degë të vogla pemësh, bar dhe jashtëqitje lope.

Shpimet e mëdha në vesh dhe vathët e varura në veshët e grave konsiderohen simbole të bukurisë brenda fisit.