Gjysmëhëna e Kuqe Turke filloi sot shpërndarjen e ndihmave ushqimore në Deir al-Balah të Gazës, nga donacionet e mbledhura dhe të konservuara gjatë festës muslimane të Kurban Bajramit, raporton Anadolu.

Organizata ngriti një kuzhinë për të përgatitur dhe shpërndarë vakte për palestinezët e prekur nga sulmet e Izraelit.

Me një kapacitet ditor prej 21 mijë vaktesh të ngrohta, kuzhina për të varfrit vazhdon të funksionojë si pjesë e përpjekjeve të vazhdueshme të ndihmës, e mbështetur nga kontributet e bëra nga njerëz nga e gjithë Turqia për të ndihmuar civilët në Gaza.

Kufizimi i Izraelit për hyrjen e mallrave në Gaza vazhdon pavarësisht marrëveshjes së fundit të armëpushimit me Hamasin të arritur në fillim të këtij muaji.

Marrëveshja bazohet në marrëveshjen e paqes prej 20 pikash të presidentit të SHBA-së, Donald Trump. Faza e parë e saj përfshinte lirimin e pengjeve izraelite në këmbim të të burgosurve palestinezë. Plani parashikon gjithashtu rindërtimin e Rripit të Gazës dhe krijimin e një mekanizmi të ri qeverisës pa Hamasin.

Që nga tetori 2023, lufta gjenocidale izraelite në enklavë ka vrarë më shumë se 68 mijë palestinezë.