Ministri gjerman i Punëve të Jashtme, Johann Wadephul, ka paralajmëruar se ndërtimi i vendbanimeve të paligjshme izraelite në Bregun Perëndimor të pushtuar kërcënon perspektivat për një zgjidhje me dy shtete, transmeton Anadolu.

Ministria e Punëve të Jashtme e Gjermanisë në platformën sociale të kompanisë amerikane X tha se Wadephul, i cili është në një vizitë në Indonezi, tha se ndërtimi i vendbanimeve në Bregun Perëndimor është i paligjshëm sipas ligjit ndërkombëtar dhe bëri thirrje për ndalimin e menjëhershëm të zgjerimit.

“Rruga drejt një zgjidhje me dy shtete nuk duhet të bllokohet nga ndërtimi i vendbanimeve izraelite në Bregun Perëndimor. Ne paralajmërojmë shprehimisht kundër zgjerimit të ndërtimit të vendbanimeve”, tha Wadephul.