Tetë persona u lënduan kur një makinë u përplas me një turmë njerëzish në qytetin gjerman të Shtutgartit, thanë autoritetet, transmeton Anadolu.

Policia në një deklaratë ka thënë se ende nuk ka gjetje për të treguar nëse bëhet fjalë për sulm ose vepër të qëllimshme, duke shtuar se incidenti aktualisht po trajtohet si aksident rrugor.

Ekipet e zjarrfikësve njoftuan se tetë persona janë lënduar, tre prej të cilëve rëndë. Siç njoftohet, të lënduarit janë duke marrë trajtim mjekësor.

Shoferi 42-vjeçar i automjetit të përfshirë në aksident është arrestuar.