Fshati Dartlo që ndodhet në një lartësi prej rreth 2.000 metrash në rajonin Tusheti në verilindje të Gjeorgjisë, njihet si një nga vendet e trashëgimisë kulturore të vendit me shtëpitë e tij mesjetare prej guri, raporton Anadolu.

Të ndërtuara me gurë të zinj për mbrojtje, shtëpitë pasqyrojnë trashëgiminë kulturore të rajonit duke përdorur teknikën e "mureve të thata".

Dartlo, i hapur për vizitorët vetëm gjatë muajve të verës, është destinacion i njohur turistik në rajon.

Peizazhet e pastra natyrore, rrugët e ngushta dhe jeta në fshatin malor tërheqin një gamë të gjerë vizitorësh, si alpinistë dhe fotografë.

Këto struktura, që datojnë kryesisht nga shekujt e 17-të dhe 18-të, kanë ruajtur kryesisht arkitekturën e tyre origjinale falë projekteve të vazhdueshme të restaurimit.