Gjithsej 2.975 izraelitë janë plagosur dhe janë dërguar në spitale që nga fillimi i luftës me Iranin më 28 shkurt, njoftoi sot Ministria e Shëndetësisë e Izraelit, transmeton Anadolu.

Nga ta, 85 persona mbeten të shtruar në spital, përfshirë nëntë në gjendje të rëndë, tha ministria në rrjetin social amerikan X.

Përshkallëzimi rajonal është rritur që kur Izraeli dhe SHBA-ja nisën sulme të përbashkëta ndaj Iranit më 28 shkurt, i cili deri më tani ka shkaktuar rreth 1.300 të vdekur dhe mbi 10 mijë të plagosur, sipas autoriteteve iraniane.

Teherani u kundërpërgjigj me sulme me dronë dhe raketa që synuan Izraelin, Jordaninë, Irakun dhe vendet e Gjirit që strehojnë baza ushtarake të SHBA-së.