Fundjavë e zezë në një qytet brazilian, 24 vrasje brenda 24 orëve
Vala e dhunës përfshiu gjithsej 16 zona në qytetin Belem, ndërsa autoritetet lokale konfirmuan se në këtë qytet nga e premtja deri të shtunën janë regjistruar 24 vrasje
Sao Paulo
SAO PAULO (AA) – Gjithsej 24 vrasje në një varg incidentesh që kanë ndodhur brenda 24 orëve shkaktuan shqetësime në opinionin e krahinës veriore braziliane Para, raporton Anadolu Agency (AA).
Vala e dhunës përfshiu gjithsej 16 zona në qytetin Belem, ndërsa autoritetet lokale konfirmuan se në këtë qytet nga e premtja deri të shtunën janë regjistruar 24 vrasje.
Seria e vrasjeve erdhi pasi një pjesëtar i policisë ushtarake braziliane Rafael da Silva Costa u vra gjatë përleshjeve me një grup vandalësh.
Zyrtarët policorë pohojnë se vrasjet masive me siguri lidhen me vrasjen e Costa-s. Orlando Salgado, drejtori i Institutit të Mjekësisë Ligjore në Belam, njoftoi se të gjitha vrasjet janë kryer me ekzekutime klasike, ndërsa për këtë shkak është formuar një ekip special që kryen hetime.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
