I vendosur 3 kilometra nga qyteza Sapa në provincën Lao Cai të Vietnamit, fshati Cat Cat tërheq vizitorët me stilin e tij tradicional të jetesës dhe bukuritë natyrore, raporton Anadolu.

I themeluar nga populli Hmong dhe Dzao në shekullin e 19-të, fshati pasqyron arkitekturën unike të rajonit me shtëpitë prej druri, rrugët e shtruara me gurë dhe fushat e orizit me tarraca.

Në fshat, vizitorët kanë gjithashtu mundësinë të vëzhgojnë aktivitetet tradicionale të endjes dhe farkëtarisë.

Ujëvara Cat Cat, një nga bukuritë e rëndësishme natyrore të rajonit, tërheq vëmendjen me peizazhin e gjelbër dhe atmosferën paqësore.

Fshati Cat Cat, emri i të cilit mendohet se vjen nga fjala frënge "cascade" (ujëvarë), vazhdon të jetë destinacion popullor si për entuziastët e ecjes në natyrë ashtu edhe për turistët që kërkojnë përvojë kulturore.