Francë, në qytetin Nice rikthehet detyrimi për mbajtjen e maskës në transportin publik
Kryetari i bashkisë Nice, Christian Estrosi, për radion 'RTL' tha se kanë nënshkruar dekretin që vendos sërish në zbatim detyrimin për mbajtjen e maskës në mjetet e transportit publik të "metropolit Nice", që përfshin qytetin dhe qytetet përreth
Paris
Nga 11 korriku në qytetin Nice në jug të Francës sërish do të hyjë në fuqi detyrimi për mbajtjen e maskës në transportin publik, transmeton Anadolu Agency (AA).
Kryetari i bashkisë Nice, Christian Estrosi, për radion 'RTL' tha se kanë nënshkruar dekretin që vendos sërish në zbatim detyrimin për mbajtjen e maskës në mjetet e transportit publik të "metropolit Nice", që përfshin qytetin dhe qytetet përreth.
Estrosi theksoi se sipas kësaj që nga 11 korriku mbajtja e maskës do të jetë e detyrueshme për udhëtarët në autobusë dhe tramvaje në metropolin Nice.
Në Francë brenda 24 orëve të fundit, njoftoi Estrosi, janë regjistruar mbi 200 mijë raste të koronavirusit COVID-19, si dhe shtoi se ndodhen përballë me valën e shtatë të pandemisë COVID-19.
Më tej, Estrosi tha se qeveria, e cila aktualisht rekomandon mbajtjen e maskave në transportin publik, do të jetë e detyruar ta bëjë të detyrueshëm propozimin në fjalë.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.