Franca mohon se po përgatitet të dërgojë 2.000 trupa në Ukrainë
Kreu i Shërbimit të Inteligjencës së Jashtme Ruse, Sergey Naryshkin, pohoi të martën se Franca po përgatitet të dërgojë një kontingjent prej 2.000 trupash në Ukrainë
Paris
Ministria franceze e Mbrojtjes ka mohuar pretendimet e Rusisë se Franca po përgatitet të dërgojë 2.000 trupa në Ukrainë.
Komentet e kreut të Shërbimit të Inteligjencës së Jashtme Ruse (SVR) janë "tregues të përdorimit sistematik të taktikave të dezinformimit masiv nga Rusia", tha ministria në një deklaratë me shkrim për Anadolu.
Gjithashtu, në deklaratë theksohet se duhet pasur kujdes maksimal për të mos rënë pre e manipulimeve të tilla.
Kreu i SVR-së, Sergey Naryshkin, pohoi të martën se Franca po përgatitet të dërgojë një kontingjent prej 2.000 trupash në Ukrainë.
Në një intervistë me agjencinë shtetërore ruse të lajmeve TASS, Naryshkin pretendoi se presidenti francez Emmanuel Macron po fsheh numrin e vërtetë të ushtarëve francezë të vrarë tashmë në Ukrainë për të shmangur protesta masive në vendin e tij.
Muajin e kaluar, Macron refuzoi të përjashtonte dërgimin e trupave perëndimore në Ukrainë, ku Rusia nisi "operacionin special ushtarak" dy vjet më parë. Ideja, megjithatë, u refuzua nga vendet aleate.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
