Franca do të thërrasë ambasadorin amerikan pas komenteve mbi vrasjen e aktivistit të ekstremit të djathtë
Ky veprim vjen pas vdekjes së Quentin Deranque, një aktivist i ekstremit të djathtë në Francë, i cili më 12 shkurt u rrah për vdekje gjatë një përleshjeje me aktivistë të dyshuar të ekstremit të majtë.
Ministri i Jashtëm i Francës, Jean-Noël Barrot
Londër
Franca tha të dielën se do të thërrasë ambasadorin e SHBA-së në Paris, Charles Kushner, pas komenteve të zyrtarëve amerikanë lidhur me vrasjen e një aktivisti francez të ekstremit të djathtë, transmeton Anadolu.
“Do ta thërrasim ambasadorin e Shteteve të Bashkuara në Francë, pasi Ambasada e SHBA-së në Francë komentoi për këtë tragjedi ... e cila prek komunitetin kombëtar”, u shpreh ministri i Punëve të Jashtme, Jean-Noël Barrot, për mediat lokale.
“Ne e refuzojmë çdo përpjekje për ta shfrytëzuar këtë tragjedi ... për qëllime politike”, tha ai.
Ky veprim vjen pas vdekjes së Quentin Deranque, një aktivist i ekstremit të djathtë në Francë, i cili më 12 shkurt u rrah për vdekje gjatë një përleshjeje me aktivistë të dyshuar të ekstremit të majtë.
Ambasada e SHBA-së në Paris dhe Byroja e Kundërterrorizmit e Departamentit amerikan të Shtetit kishin thënë se po e monitorojnë rastin, duke paralajmëruar në X se “ekstremizmi i dhunshëm i majtë radikal është në rritje” dhe duhet trajtuar si kërcënim për sigurinë publike.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
