Etiopi, shpërthim në tubimin ku ishte kryeministri Ahmed

ADDIS ABABA (AA) – Në kryeqytetin e Etiopisë, Addis Ababa, në tubimin ku mori pjesë edhe kryeministri Abiy Ahmed, ka ndodhur një shpërthim ku ka edhe të vdekur, transmeton Anadolu Agency (AA).

Në tubimin e organizuar në sheshin Meskel në Addis Ababa, morën pjesë mijëra persona. Gjatë fjalimit të kryeministrit Abiy Ahmed ndodhi një shpërthim.

Kryeministri Ahmed pas shpërthimit në fjalë është larguar nga tubimi nga rojet e tij, ndërkaq në një deklaratë më pas tha se “Disa persona kanë humbur jetën nga shpërthimi i shkaktuar nga ata që nuk duan paqe dhe unitet në këtë shtet”.

"Kjo ngjarje është një iniciativë e forcave të cilat nuk duan që ta bashkojnë Etiopinë", thotë Ahmed.

Disa dëshmitarë të rastit thonë se një person ka hedhur një bombë dore. Ndërkaq vazhdojnë hetimet lidhur me rastin.