Emiri i Katarit, Sheikh Tamim bin Hamad Al-Thani, bëri thirrje për "hapa konkretë" për t'u përballur me "etjen për gjak" të qeverisë izraelite, duke kërkuar një qëndrim të bashkuar rajonal, transmeton Anadolu.

Duke folur në samitin arabo-islamik në Doha, Tamim tha se sulmi i Izraelit në kryeqytetin e Katarit javën e kaluar që vrau pesë anëtarë të Hamasit dhe një oficer të Katarit "dëshmoi se lirimi i pengjeve nuk është një përparësi për qeverinë izraelite".

"Duhet të ndërmerren hapa konkretë për të kundërshtuar dëshirën e qeverisë izraelite për gjakderdhje", tha Al-Thani.

Ai deklaroi se "qeveria e kolonëve ekstremistë të Izraelit dëshiron që dërgimi i avionëve në rajon të bëhet rutinë, pasi ëndërron ta bëjë rajonin arab sferën e saj të ndikimit".

"Netanyahu ëndërron që rajoni të bëhet një zonë ndikimi izraelit, por ky është një iluzion i madh dhe këto plane nuk do të realizohen", tha Emiri i Katarit.

Udhëheqësi i Katarit tha se Izraeli po punon për të ndarë Sirinë, "por planet e tij nuk do të kenë sukses".