Eric Trump, djali i presidentit të SHBA-së, Donald Trump, tha se mund të kandidojë për president në vitet e ardhshme, transmeton Anadolu.

Eric Trump komentoi mbi librin e tij "Under Siege" (Nën Rrethim), në një intervistë për televizionin izraelit "Channel 13".

I pyetur nëse do të kandidonte për president në të ardhmen, Eric Trump tha: "Nuk i dihet kurrë. Kurrë, kurrë mos thoni jo për asgjë".

Djali i Trumpit la të kuptohet se mund të kandidonte për president të SHBA-së në të ardhmen. "Mendoj se mund ta bëja nëse doja, por do të shohim se çfarë ndodh", tha ai.