Protestat kanë shpërthyer jashtë Ndërtesës Federale të Peshkopit Henry Whipple në Minneapolis, teksa demonstruesit kundër Agjencisë së Zbatimit të Imigracionit dhe Doganave (ICE) u përleshën me oficerët federalë pas të shtënave fatale ndaj një gruaje nga një agjent i agjencisë, raporton Anadolu.

Qindra njerëz u mblodhën për të kërkuar largimin e agjencisë ICE nga Minnesota teksa tensionet ishin të larta. Zyrtarë federalë qëlluan me municion me piper djegës me dhe përdorën lëndë kimike për të shtyrë turmat gjatë përballjeve të ashpra.

Konfrontimi ndodhi teksa kishte brohoritje, shtyrje dhe shkëmbime të tensionuara mes grupeve të kundërta dhe zyrtarëve të zbatimit të ligjit, me disa arrestime të raportuara teksa përplasjet vazhduan.

Protesta u shkaktua nga zemërimi publik ndaj një agjenti të ICE-së që qëlloi për vdekje një grua gjatë një operacioni federal në Minneapolis, ngjarje që ka nxitur protesta dhe debate të forta për përdorimin e forcës nga zyrtarët federalë dhe rolin e agjencisë.