Delegacioni ukrainas është nisur për në Gjenevë, ku një raund i ri bisedimesh paqeje të ndërmjetësuara nga SHBA-ja me Rusinë pritet të zhvillohet më 17-18 shkurt, transmeton Anadolu.

Kreu i Zyrës presidenciale të Ukrainës, Kyrylo Budanov publikoi në Telegram një foto të tij dhe dy anëtarëve të tjerë të delegacionit përpara një vagoni treni.

"Duke u nisur për në Gjenevë. Raundi tjetër i negociatave është përpara. Gjatë rrugës, do të diskutojmë mësimet e historisë sonë me kolegët tanë dhe do të kërkojmë përfundimet e duhura. Interesat e Ukrainës duhet të mbrohen", shkroi ai.

Raundi i parë i konsultimeve trepalëshe për sigurinë këtë vit, që përfshin Rusinë, Ukrainën dhe SHBA-në, u zhvillua në kryeqytetin e Emirateve të Bashkuara Arabe, Abu Dhabi më 23-24 janar, me grupin negociator të Moskës të udhëhequr nga shefi i Drejtorisë së Shtabit të Përgjithshëm të Forcave të Armatosura të Federatës Ruse, Igor Kostyukov.

Një raund i dytë pasoi më 4-5 shkurt në të njëjtin vend.

Javën e kaluar, zëdhënësi i Kremlinit, Dmitry Peskov njoftoi se raundi i ardhshëm i negociatave mbi zgjidhjen e çështjes ukrainase do të zhvillohet në një format trepalësh ruso-amerikano-ukrainas, i planifikuar për 17-18 shkurt në Gjenevë të Zvicrës.