Cikloni Gezani në Madagaskar, numri i viktimave rritet në 36
Zyra Kombëtare për Menaxhimin e Rrezikut dhe Fatkeqësive raportoi se 257.222 shtëpi u dëmtuan, 11.890 shtëpiza janë prekur dhe 37.253 ndërtesa janë dëmtuar. Ndërsa numri i personave të zhvendosur theksohet se është 8.852
Lusaka
Numri i të vdekurve nga Cikloni Gezani në Madagaskar u rrit në 36 të enjten, ndërsa gjashtë persona janë raportuar të zhdukur dhe 374 të plagosur rëndë, transmeton Anadolu.
Zyra Kombëtare për Menaxhimin e Rrezikut dhe Fatkeqësive raportoi se 257.222 shtëpi u dëmtuan, 11.890 shtëpiza janë prekur dhe 37.253 ndërtesa janë dëmtuar. Ndërsa numri i personave të zhvendosur theksohet se është 8.852.
Nga 36 vdekjet, 32 janë shënuar në qytetin Toamasina, dy në Ambatondrazaka dhe nga një në Anjozorobe dhe Brickaville.
"Këto statistika janë marrë nga pesë rajonet dhe 18 distriktet më të prekura nga Cikloni Gezani", tha agjencia e fatkeqësive, duke përmendur rajonet si Atsinanana, Analamanga, Analanjirofo, Alaotra Mangoro dhe Itasy.
Agjencia tha se 17.980 ndërtesa u shkatërruan plotësisht, 490 shkolla humbën tërësisht çatitë dhe 48 vende akomodimi u dëmtuan në 18 distriktet në pesë rajone.
Autoritetet thanë se partnerët ndërkombëtarë kanë ofruar ndihmë për kombin ishullor të Oqeanit Indian, i cili ende po rikuperohej nga Cikloni Fytia dy javë më parë, i cili vrau 12 persona.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
