Presidenti çek Petr Pavel i tha të martën televizionit çek se vendi duhet të rivlerësojë marrëdhëniet me Hungarinë dhe informacionin që ajo ndan me Budapestin, transmeton Anadolu.

Në fund të marsit, ministri i Jashtëm i Hungarisë, Peter Szijjarto mohoi akuzat se ka ndarë informacione konfidenciale të Bashkimit Evropian me Rusinë, duke i quajtur raportet "lajme të rreme" dhe "gënjeshtra" dhe duke i përshkruar ato si "propagandë ukrainase" që synojnë të ndikojnë në zgjedhjet parlamentare të 12 prillit.

Pretendimet, të raportuara për herë të parë nga "The Washington Post" dhe të cituara nga mediat evropiane, pretendojnë se Szijjarto e ka informuar rregullisht ministrin e Jashtëm rus, Sergey Lavrov, mbi diskutimet konfidenciale të BE-së.

Raporti pretendon se shërbimi i inteligjencës së jashtme i Rusisë (SVR) kishte propozuar organizimin e një përpjekjeje të rreme për të vrarë kryeministrin e Hungarisë, Viktor Orban, për të rritur shanset e tij në votimet e muajit të ardhshëm, duke cituar një dokument të inteligjencës së brendshme të shqyrtuar nga një shërbim inteligjence evropiane.

Autoritetet evropiane i bënë thirrje Hungarisë të japë sqarime, duke paralajmëruar se besimi midis shteteve anëtare është thelbësor për funksionimin e duhur të bllokut.