Burkina Faso, në dy sulme terroriste vriten shtatë ushtarë
Sipas ushtrisë, persona të armatosur të paidentifikuar kryen dy sulme të ndara në pjesën veriore të vendit
Dakar
Në dy sulme të ndara në Burkina Faso kanë humbur jetën shtatë ushtarë dhe katër policë, ndërsa 20 terroristë u neutralizuan, transmeton Anadolu Agency (AA).
Sipas ushtrisë, persona të armatosur të paidentifikuar kryen dy sulme të ndara në pjesën veriore të vendit.
Dy ushtarë dhe katër milicë u vranë në sulmin e parë ndaj një automjeti ushtarak që patrullonte pranë qytetit Loroum.
Në sulmin e dytë në rajonin Center-Nord, pesë ushtarë u vranë, nëntë ushtarë u plagosën dhe 20 terroristë u neutralizuan.
Organizatat terroriste të lidhura me Al Kaedën dhe DEASH-in në Malin fqinj kanë kryer sulme në veri dhe lindje të Burkina Fasos që nga viti 2015.
Sipas të dhënave të qeverisë, 2.000 njerëz u vranë në sulmet nga viti 2015 deri në dhjetor të vitit 2021, nga të cilët 600 ishin anëtarë të forcave të sigurisë.