Bota

Britania dhe Izraeli nënshkruan marrëveshje 10-vjeçare për sigurinë kibernetike, mbrojtjen dhe tregtinë

Sekretarja e jashtme britanike, Liz Truss dhe ministri i jashtëm izraelit, Yair Lapid, thanë se marrëveshja do ta transformojë “miqësinë e ngushtë në një partneritet edhe më të ngushtë”

Ekip   | 29.11.2021
Britania dhe Izraeli nënshkruan marrëveshje 10-vjeçare për sigurinë kibernetike, mbrojtjen dhe tregtinë Foto: AA/Arkiv

Londër

Britania dhe Izraeli kanë njoftuar një marrëveshje të re 10-vjeçare që mbulon sigurinë kibernetike, mbrojtjen dhe tregtinë, transmeton Anadolu Agency (AA).

Në një shkrim të përbashkët në ‘Daily Telegraph’, sekretarja e jashtme britanike, Liz Truss dhe ministri i jashtëm izraelit, Yair Lapid, thanë se marrëveshja do ta transformojë “miqësinë e ngushtë në një partneritet edhe më të ngushtë”.

“Ky pakt do të nxisë përparime teknologjike, të cilat kanë potencialin të ndryshojnë botën, të krijojnë vende pune me cilësi të lartë në të dy vendet tona dhe të ofrojnë mjete për forcat tona të sigurisë”, theksuan ata.

Kryediplomatët po ashtu shkruan për Iranin dhe negociatat bërthamore në vazhdim, duke theksuar se, “Ne do të punojmë natë e ditë për të parandaluar që regjimi iranian të bëhet ndonjëherë një fuqi bërthamore”.

Lapid sot qëndroi për vizitë në Londër për t’u takuar me Truss dhe nesër do të udhëtojë në Paris.

Vizitat e tij në kryeqytetet perëndimore vijnë derisa Irani dhe fuqitë botërore po takohen në Vjenë për bisedimet bërthamore.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın