Blinken: Ka ndryshim mes qëllimit të Izraelit për të mbrojtur civilët dhe situatës në terren
Sekretari amerikan Blinken nënvizoi se Izraeli duhet t'i kushtojë rëndësi mbrojtjes së civilëve dhe rritjes së ndihmës humanitare
New York
Sekretari i Shtetit të SHBA-së, Antony Blinken deklaroi se "Ka ndryshim mes qëllimit të Izraelit për të mbrojtur civilët dhe situatës në terren", transmeton Anadolu.
Pas një takimi me sekretarin e Jashtëm britanik, David Cameron në Washington, sekretari Blinken mbajti konferencë të përbashkët për media.
Ai tha se ka kaluar pothuajse një javë nga "fushata" që Izraeli zhvillon në jug të Gazës. Blinken nënvizoi se Izraeli duhet t'i kushtojë rëndësi mbrojtjes së civilëve dhe rritjes së ndihmës humanitare.
Sipas tij, fokusi duhet të jetë mbi zonat e sigurta dhe përmirësimin e komunikimit dhe se njerëzit duhet të dinë se ku mund të shkohet në mënyrë të sigurt.
"Mes Izraelit dhe SHBA-së vazhdon dialogu i nivelit të lartë. Ka ndryshim mes qëllimit të Izraelit për të mbrojtur civilët dhe situatës në terren", theksoi Blinken.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
