Bill Gates takohet me Trumpin në Shtëpinë e Bardhë për të diskutuar mbi shëndetin global
Takimi u përqendrua në "rëndësinë e programeve globale shëndetësore të SHBA-së dhe kërkimit shëndetësor"

Washington
Bashkëthemeluesi i Microsoft-it, Bill Gates u takua me presidentin e SHBA-së, Donald Trump, në Shtëpinë e Bardhë, transmeton Anadolu.
NBC News tha se një zyrtar i lartë i Shtëpisë së Bardhë konfirmoi takimin e planifikuar, ndërsa një zëdhënës i manjatit Gates theksoi se diskutimi u përqendrua në "rëndësinë e programeve globale të shëndetit të SHBA-së dhe kërkimit shëndetësor që është i nevojshëm për të shpëtuar jetë, për të mbrojtur shëndetin e amerikanëve dhe për të ruajtur lidershipin e SHBA-së në botë".
Më herët këtë muaj, Fondacioni Gates njoftoi një angazhim prej 2.5 miliardë dollarësh deri në vitin 2030 për të adresuar fushat e lëna pas dore të kërkimit dhe zhvillimit të shëndetit të grave në nivel global.
Shtëpia e Bardhë nuk e konfirmoi publikisht takimin ndërsa Gates gjithashtu nuk publikoi deklaratë personale.