Avionët F-35 të forcave amerikane stërvitje në qiellin e Izraelit
Në një deklaratë me shkrim Forca Ajrore e CENTCOM (AFCENT), dy vendet kanë përfunduar stërvitjen "Enduring Lightening III", e cila u organizua nga forcat ajrore për herë të tretë këtë vit dhe në të cilën rolin kryesor luajtën avionët F-35
Washington
Komanda Qendrore e Forcave të SHBA-së (CENTCOM) njoftoi se avionët amerikanë F-35 kanë kryer stërvitje të përbashkëta me avionët izraelitë F-35 në hapësirën ajrore të Izraelit, transmeton Anadolu Agency (AA).
Në një deklaratë me shkrim Forca Ajrore e CENTCOM (AFCENT), dy vendet kanë përfunduar stërvitjen "Enduring Lightening III", e cila u organizua nga forcat ajrore për herë të tretë këtë vit dhe në të cilën rolin kryesor luajtën avionët F-35.
Në deklaratë po ashtu njoftohet se edhe avionët cisternë dhe radarë, si dhe avionët F-16, morën pjesë në stërvitje në rolin e avionëve armiq.
Gjatë stërvitjes, F-35 kanë kryer prova mbi misionet e tyre kundër sulmeve ajrore, ndërsa është testuar aftësia e avionëve për të arritur zonën e synuar gjatë përballjes me armiq në tokë dhe në ajër.
Ndryshe, në inventarin e Izraelit gjenden 16 avionë F-35.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.