Bota

Arrestohet personi i cili pretendohet si aktori kryesor në atentatin ndaj presidentit haitian

Drejtori i policisë kombëtare, Charles deklaroi se "Emmanuel Sanon ishte emri i parë që agresorët kërkuan kur ata u rrethuan gjatë arratisjes së tyre"

Sinan Doğan   | 12.07.2021
Arrestohet personi i cili pretendohet si aktori kryesor në atentatin ndaj presidentit haitian

Bogota

Është arrestuar personi i cili pretendohet të jetë një prej aktorëve kryesorë në atentatin ndaj presidentit të Haitit, Jovenel Moise, transmeton Anadolu Agency (AA).

Sipas lajmeve në shtypin rajonal, forcat e sigurisë vazhdojnë hetimin lidhur me ngjarjen. Zyrtarët haitianë njoftuan se në kuadër të hetimit është arrestuar mjeku me emrin Christian Emmanuel Sanon në rajonin Florida të SHBA-së dhe se ky person është një nga planifikuesit e vrasjes së Moise.

Drejtori i policisë kombëtare, Leon Charles, në një deklaratë për media lidhur me ngjarjen tha se "Emmanuel Sanon ishte emri i parë që agresorët kërkuan kur ata u rrethuan gjatë arratisjes së tyre".

Numri i të arrestuarve shkon në 19

Policia e Hatitit ka njoftuar se deri më tani në operacionet e ndërmarra kundër personave që dyshohen se janë përfshirë në atentatin ndaj presidentit haitian, Moise, janë arrestuar 17 kolumbianë dhe 2 shtetas amerikanë me origjinë nga Haiti.

Po ashtu policia ka bërë të ditur se janë në kërkim 6 persona dhe ka kërkuar nga qytetarët që të bashkëpunojnë me policinë për gjetjen e agresorëve.

Drejtori i policisë kombëtare, Charles ka deklaruar se atentati ndaj Moise është kryer nga një njësi komando në të cilën ndodhen 26 kolumbianë dhe dy shtetas të SHBA-së me origjinë haitiane. Në kuadër të operacioneve janë vrarë 10 të dyshuar që janë konfliktuar me policinë.

Presidenti 53-vjeçar i Haitit, Moise humbi jetën në një sulm të ndërmarrë nga një grup personash të armatosur në shtëpinë e tij ndërsa në këtë sulm u plagos edhe bashkëshortja e tij, Martine Moise.

Pasi Moise humbi jetën si pasojë e atentatit të kryer në shtëpinë e tij, thuhet se kryeministri i përkohshëm i Haitit, Claude Joseph shpalli gjendje emergjente në vend.



Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın