Alivanoset drejtuesi i një kompanie farmaceutike në një aktivitet në Shtëpinë e Bardhë, ndërhyn Dr. Oz
Pas rifillimit të ngjarjes, Trump tha se shefi ekzekutiv i kompanisë "Novo Nordisk" “ndjeu pak marramendje” dhe “ra përtokë”, por shtoi se “është mirë”
Stamboll
Një drejtues farmaceutik u rrëzua pa ndjenja sot në Shtëpinë e Bardhë gjatë njoftimit të presidentit Donald Trump mbi kostot e barnave për humbje peshe, duke shkaktuar ndërhyrje të menjëhershme mjekësore nga Dr. Mehmet Oz, transmeton Anadolu.
Gordon Findlay, përfaqësues i kompanisë “Novo Nordisk”, u alivanos ndërsa drejtori ekzekutiv i “Eli Lilly”, David Ricks, po fliste në një ngjarje në Zyrën Ovale, ku Trump dhe drejtuesit e kompanive farmaceutike po njoftonin një marrëveshje për zgjerimin e mbulimit dhe uljen e çmimeve të barnave për obezitet “Zepbound” dhe “Wegovy”.
💢Një drejtues farmaceutik u rrëzua pa ndjenja sot në Shtëpinë e Bardhë gjatë njoftimit të presidentit Donald Trump mbi kostot e barnave për humbje peshe, duke shkaktuar ndërhyrje të menjëhershme mjekësore nga Dr. Mehmet Oz.
🔗https://t.co/ZHkg88euAd pic.twitter.com/ZNVrrOabrD
Dr. Oz, mjek dhe administrator i Qendrave për Shërbimet e Kujdesit dhe Ndihmës Mjekësore në administratën Trump, reagoi menjëherë për t’i dhënë ndihmë Findlayt, së bashku me persona të tjerë në sallë.
Sekretari i Shëndetësisë dhe Shërbimeve Njerëzore, Robert F. Kennedy Jr., ishte gjithashtu i pranishëm, por u largua me shpejtësi nga vendi i ngjarjes.
Zëdhënësi i Shtëpisë së Bardhë, Kush Desai, tha se Kennedy “nxitoi të kërkonte ndihmë mjekësore ndërsa të tjerët po kujdeseshin për personin”.
Gazetarët u shoqëruan jashtë dhomës dhe transmetimi u ndërpre pas incidentit.
Pas rifillimit të ngjarjes, Trump tha se Findlay “ndjeu pak marramendje” dhe “ra përtokë”, duke shtuar se përfaqësuesi “është mirë”.
“Ata sapo e dërguan jashtë dhe ka mjekë këtu. Por është mirë”, tha presidenti amerikan.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
![](http://www.facebook.com/sharer.php?u=http://v.aa.com.tr/3737143&p[images][0]=https://cdnuploads.aa.com.tr/uploads/Contents/2025/11/06/thumbs_b_c_89b68b79f1b0b2de8eada3894dbe041e.jpg?v=231452&p[title]=Alivanoset drejtuesi i një kompanie farmaceutike në një aktivitet në Shtëpinë e Bardhë, ndërhyn Dr. Oz&p[summary]=Pas rifillimit të ngjarjes, Trump tha se shefi ekzekutiv i kompanisë "Novo Nordisk" “ndjeu pak marramendje” dhe “ra përtokë”, por shtoi se “është mirë”){kind=link}