Aldrich Ames, një ish-oficer i CIA-s, spiunazhi i të cilit për Bashkimin Sovjetik dhe Rusinë çoi në një nga shkeljet më të dëmshme të inteligjencës në historinë e SHBA-së, vdiq në një burg federal në Maryland në moshën 84 vjeç, sipas "The Guardian, transmeton Anadolu.

Byroja e Burgjeve konfirmoi vdekjen e Ames të hënën.

Ames dhe gruaja e tij, Rosario, u arrestuan në vitin 1994. Ai u deklarua fajtor për spiunazh dhe evazion fiskal dhe u dënua me burgim të përjetshëm pa të drejtë lirimi me kusht.

Gruaja e tij u deklarua fajtore për ndihmë dhe inkurajim të aktiviteteve të tij dhe u dënua pak më shumë se pesë vjet.

Ames i siguroi Moskës informacion të klasifikuar për gati një dekadë, duke pranuar se kishte marrë 2,5 milionë dollarë nga Rusia.

Në një intervistë nga burgu për "The Washington Post" një ditë para dënimit të tij, Ames tha se iu drejtua spiunazhit për shkak të "problemeve financiare, të menjëhershme dhe të vazhdueshme".

Çështja e Ames u rishfaq në vëmendjen e publikut në vitin 2018 me botimin e librit të Ben Macintyre, "Spiuni dhe Tradhtari".