Aktori spanjoll, Javier Bardem, ndau në mediat sociale pamjet e një snajperi të ushtrisë izraelite që qëllon një fëmijë palestinez, duke e krahasuar ushtrinë izraelite me nazistët, transmeton Anadolu.

Bardem, fitues i çmimit Oscar, ndau në llogarinë e tij në Instagram, platformë e mediave sociale me seli në SHBA, një video të një snajperi të ushtrisë izraelite që synonte një fëmijë palestinez.

Duke reaguar ndaj videos, e cila tregon gëzimin e snajperit izraelit në regjistrimin e këtyre momenteve, Bardem në anglisht dhe spanjollisht theksoi se:

"Forcat Mbrojtëse të Izraelit (IDF) janë naziste. A e mbani mend Amon Göth në Listën e Schindlerit? Ai ishte një oficer sadist i SS-ve që qëllonte të burgosurit nga ballkoni i tij vetëm për qejf. Ai përfaqësonte banalitetin e së keqes dhe pandëshkueshmërinë e mizorisë brenda një rendi ushtarak shtypës".

"Sot, Forcat Mbrojtëse të Izraelit (IDF) zbatojnë të njëjtën logjikë terrori dhe dehumanizimi kundër popullit palestinez", shtoi ai.