Bota

Akar: Operacioni i embargos së armëve i BE-së që nga fillimi me të meta

"Operacioni Irini ishte lindur i vdekur. Atij i ka munguar një bazë solide për sa i përket ligjit ndërkombëtar që nga fillimi", u tha ministri Akar gazetarëve në parlamentin turk

Muhammet Emin Avundukluoğlu   | 24.11.2020
Akar: Operacioni i embargos së armëve i BE-së që nga fillimi me të meta

Ankara

Sipas ministrit të Mbrojtjes së Turqisë, Hulusi Akar, operacion i Bashkimit Evropian (BE) që ndaloi një anije turke gjoja për të zbatuar embargon e armëve të Kombeve të Bashkuara (OKB) ishte me të meta që nga fillimi, raporton Anadolu Agency (AA).

"Operacioni Irini ishte lindur i vdekur. Atij i ka munguar një bazë solide për sa i përket ligjit ndërkombëtar që nga fillimi", u tha ministri Akar gazetarëve në parlamentin turk.

Akar theksoi se zbatimi i operacionit ka qenë problematik që nga fillimi.

Ai tha se BE-ja duhej të kërkonte leje nga qeveria e njohur e Libisë në OKB para se të niste operacionin këtë mars.

Në kuadër të operacionit, një fregatë gjermane të dielën ndaloi dhe kontrolloi në mënyrë të paligjshme një anije private me flamur turk që mbante ndihma humanitare në Libi, gjë që u dënua nga udhëheqësit turk.

Turqia prej kohësh ka deklaruar se embargoja e armëve zbatohet në një mënyrë të njëanshme në favor të komandantit luftarak, Khalifa Haftar.

Ministria e Punëve të Jashtme e Turqisë tha se anija turke po mbante vetëm materiale për ngjyrosje dhe ndihma humanitare në portin Misra të Libisë dhe nuk shkeli embargon e OKB-së.

Operacioni zyrtarisht njoftoi se kontrolli i tyre në anije nuk kishte gjetur asgjë të paligjshme.

Libia është shkatërruar nga një luftë civile që nga rrëzimi i Muammar Gaddafi-t në vitin 2011.

Një qeveri e re u themelua në vitin 2015 nën një marrëveshje të udhëhequr nga OKB-ja, por përpjekjet për një zgjidhje politike afatgjate deri më tani kanë dështuar, kryesisht për shkak të sulmeve nga Haftar.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın