Afganistan, 8 të vdekur gjatë sulmeve ajrore
Zëdhënësi i policisë, Shahpur Ahmadzai, për AA tha se forcat ajrore të SHBA-ve mbrëmë qëlluan pozita të lëvizjes talebane në distriktin Baraki Barak
Ankara
Së paku tetë civilë, përfshirë edhe një grua dhe fëmijë, janë vrarë në sulmet ajrore në provincën afgane Logar, raporton Anadolu Agency (AA).
Zëdhënësi i policisë, Shahpur Ahmadzai, për AA tha se forcat ajrore të SHBA-ve mbrëmë qëlluan pozita të lëvizjes talebane në distriktin Baraki Barak.
Ai tha se në rrjedhë është hetimi mbi rastin, por nuk zbuloi bilancin e të pësuarve.
Paralelisht me këtë, kreu i bashkësisë fisnore lokale njoftoi për gazetarët se në sulmet e mbrëmshme janë vrarë tetë civilë, mes të cilëve kanë qenë më shumë gra dhe fëmijë.
Në jehonën e negociatave për paqe aktuale talebane-amerikane gjithnjë e më të shpeshta janë sulmet në të cilat pësojnë civilët në Afganistan. Në dhjetë ditët e para të korrikut në Afganistan janë vrarë së paku 100 civilë.
Pas përleshjeve të ashpra, militantët talebanë kanë marrë kontrollin e resurseve natyrore në rajonin e pasur Keran Wa Manjan në provincën veriore Badakhshan.
Jawed Mujaheda, përfaqësues i asamblesë provinciale, për AA tha se talebanët pushtuan të gjithë distriktin, ndërsa luftimet më të ashpra u zhvilluan në minierën Lapis Lazuli. Ai nuk është i njoftuar me bilancin e vuajtjeve në këto konflikte.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
