SHKUP (AA) - Pavarësisht moshës dhe temperaturave të larta që kanë përfshirë vendin, 68-vjeçari Haxhi Hasan Huseini nga qyteti i Mosulit në Irak, vazhdon të sigurojë jetesën si shpërndarës mallrash me biçikletë, raporton Anadolu.

Haxhi Hasani, i cili çdo ditë kalon orë të tëra në rrugët e qytetit duke shpërndarë pako nga dyqanet tek klientët, thotë se për të mosha është vetëm numër.

Ai nuk e lejon as të nxehtin përvëlues të verës, as lodhjen fizike, ta ndalojnë nga puna.

I vendosur në punën e tij, i moshuari që shpërndan pako nga bizneset në qytet te blerësit e tyre, siguron jetesën duke luftuar si motin e nxehtë ashtu edhe lodhjen.