RAMALLAH (AA) - Ka humbur jetën një palestinez i cili u qëllua nga forcat izraelite pranë qytetit të Ramallahut në Bregun Perëndimor, raporton Anadolu.

Sipas informacionit të marrë nga Anadolu nga punonjësit e shëndetësisë në Spitalin Shtetëror Salfit, bëhet fjalë për palestinezin Malik al-Bergusi, i cili u qëllua nga forcat izraelite në vendbanimin Kafr Ayn, në veriperëndim të Ramallahut, dhe u dërgua në spital me plagë të rënda.

Sipas informacionit të marrë nga banorët e Kefr Aynit, forcat izraelite hapën zjarr ndaj palestinezëve me plumba të vërtetë gjatë një bastisjeje.

Palestinezi al-Bergusi, një nga banorët e qytetit, i cili vdiq në spitalin shtetëror Salfit ku u dërgua, u qëllua me tri plumba nga ushtarët izraelitë.

Me këtë rast, numri i palestinezëve të vrarë nga sulmet e forcave izraelite dhe kolonëve në Bregun Perëndimor dhe Kudsin Lindor të pushtuar që nga 7 tetori ka arritur në 241.